ang fire exit, yosi at cotton candy

akala ko kung anong bilog na malaki
at kulay pula itong ipapakain mo
at sa gulat ko nanlibre ka
ng cotton candy ni manong dyan sa may CAL.

pumasok tayo sa FC

at pumunta sa fire exit sa ikalawang palapag

habang pinagsasaluhan ang cotton candy

sa katahimikan ng fire exit na iyon
sabay nating kinain ang cotton candy
habang tanaw ang mga tao sa ibaba

pinagsaluhan din natin

ang usok ng iyong yosi

kasabay ang kung anu-anong

kwento at tawanan

sa sandaling panahong naging

atin ang fire exit na iyon

may ibang kabog sa dibdib ko

na nagsasabing sana ay

hindi na matapos ang oras na iyon

sa paglasap natin ng cotton candy
ang aking mga labi'y
gustong sumigaw na sana ay laging
matamis ang bawat oras na kasama ka.

sa bawat buga mo ng usok ng yosi

kasabay noon ang takot sa akin

na kasing bilis ng paglaho ng usok na iyon

ang pagtakbo ng oras.

sa kahit sandaling panahon, pinaranas mo sa akin

ang fire exit, yosi at cotton candy

ikaw ang fire exit

kung saan ako tumatakas mula sa aking mundo

ikaw ang yosi na nagdadala sa akin

ng magaang pakiramdam

at ikaw ang cotton candy

na nagbibigay tamis sa buhay ko.

lumipas man ang lahat, ako'y babalik sa fire exit dala ang cotton candy at yosi.

at sana ay kasama ka.